வனத்தொழில் காலிப் பணியிடம்: நாளை தேர்வு பழகுநர் சென்னை, டிச. 2: வனத்தொழில் பழகுநர் காலிப் பணியிடங்களுக்கு வரும் ஞாயிற்றுக்கிழமை (டிச.4) தேர்வு நடைபெறவுள்ளது.
இதற்கான தேர்வு அறிவிக்கை கடந்த ஆகஸ்ட் 8-ஆம் தேதி வெளியிடப்பட்டது. 10 காலிப் பணியிடங்களுக்கு கட்டாய மொழிப்பாட அடிப்படையிலான தேர்வு வரும் ஞாயிற்றுக்கிழமை நடைபெறுகிறது.
இதைத் தொடர்ந்து, விருப்ப மொழிப் பாடங்களில் தேர்வானது வரும் 5-ஆம் தேதி முதல் 11-ஆம் தேதி வரையில் நடைபெறுகிறது. இந்தத் தேர்வானது கணினி அடிப்படையில் நடத்தப்படுகிறது. தேர்வினை எழுத 14 ஆயிரத்து 37 பேர் விண்ணப்பம் செய்துள்ளனர்.
அவர்கள் அனைவரும் தேர்வு எழுத அனுமதிக்கப்பட்டுள்ளனர்.சென்னை, கோயம்புத்தூர், மதுரை, சேலம், திருச்சி, திருநெல்வேலி, வேலூர் ஆகிய ஏழு நகரங்களில் தேர்வு மையங்கள் அமைக்கப்பட்டுள் ளதாக தமிழ்நாடு அரசுப் பணியாளர் தேர்வாணையத்தின் செய்தியில் தெரிவிக்கப்பட்டுள்ளது.
