இந்திய விமானப் படைக்கு அக்னிவீர் வாயு திட்டத்தின் கீழ் தகுதியானவர்களை தேர்வு செய்ய அறிவிப்பு வெளியிடப்பட்டுள்ளது. திருமணமாகாத ஆண்கள், பெண்கள் விண்ணப்பிக்கலாம்.பணி: Airforce Agniveer Vayu (02/2023).வயது: 26.12.2002க்கும் 26.6.2006க்கும் இடைப்பட்ட தேதியில் ( இரு தேதிகள் உள்பட) பிறந்தவராக இருக்க வேண்டும்.தகுதி: கணிதம் மற்றும் இயற்பியல் பாடங்கள் அடங்கிய பாடப்பிரிவில் குறைந்தது 50% மதிப்பெண்கள் பெற்று பிளஸ் 2 தேர்ச்சி பெற்றிருக்க வேண்டும் அல்லது மெக்கானிக்கல்/ எலக்ட்ரிக்கல்/எலக்ட்ரானிக்ஸ்/ஆட்டோமொபைல்/ கம்ப்யூட்டர் சயின்ஸ்/தகவல் தொழில்நுட்பம்/ இன்ஸ்ட்ருமென்டேசன் பாடப்பிரிவுகள் ஏதாவது ஒன்றில் குறைந்தது 50% மதிப்பெண்கள் பெற்று டிப்ளமோ படிப்பை முடித்திருக்க வேண்டும் அல்லது இயற்பியல், கணித பாடங்கள் அடங்கிய தொழிற்கல்வி பாடப்பிரிவில் பிளஸ் 2 தேர்ச்சி பெற்றிருக்க வேண்டும்.உடற்தகுதி: ஆண்கள் குறைந்த பட்சம் 152.5 செ.மீ., உயரம் இருக்க வேண்டும். பெண்கள் குறைந்த பட்சம் 152 செ.மீ., இருக்க வேண்டும். இரு பாலருக்கும் மார்பளவு 5 செ.மீ., சுருங்கி விரியும் தன்மையுடன் இருக்க வேண்டும். மேலும் தெளிவான பார்வைத் திறன், ஆரோக்கியமான உடற்தகுதியை பெற்றிருக்க வேண்டும்.உடல் திறன் தகுதி: ஆண்கள் 1.6 கி.மீ., தூரத்தை 7 நிமிடங்களிலும், பெண்கள் 8 நிமிடங்களிலும் ஓடி கடக்க வேண்டும். ஆண்கள் ஒரு நிமிடத்தில் 10 புஷ்-ஆப்கள் எடுத்தல், 10 சிட்அப்கள் எடுத்தல், 20 ஸ்குவாட்ஸ் எடுத்தல் ஆகிய திறன்களை பெற்றிருக்க வேண்டும். பெண்கள் 1½ நிமிடங்களில் 10 சிட்அப்கள் எடுத்தல், ஒரு நிமிடத்தில் 15 ஸ்குவாட்ஸ் எடுத்தல் ஆகியவற்றில் வெற்றி பெற வேண்டும்.விமானப்படையால் நடத்தப்படும் எழுத்துத் தேர்வு, உடற்தகுதித் தேர்வு, உடல் திறன் தேர்வு ஆகியவற்றின் அடிப்படையில் தகுதியானவர்கள் பணிக்கு தேர்ந்தெடுக்கப்படுவர். ஆன்லைனில் எழுத்துத் தேர்வு நடத்தப்படும். எழுத்துத் தேர்வு மே 20ம் தேதி தொடங்கும்.பணிக்கு தேர்ந்தெடுக்கப்படுபவர்களுக்கு இந்திய விமானப் படையில் 4 வருடங்கள் பணி வழங்கப்படும். பணியின் போது முதல் வருடம் மாதம் ₹30 ஆயிரம், இரண்டாம் வருடம் ₹33 ஆயிரம், மூன்றாம் வருடம் ₹36,500, நான்காம் வருடம் ₹40 ஆயிரம் சம்பளமாக வழங்கப்படும்.கட்டணம்: ரூ.250/-. இதை ஆன்லைனில் செலுத்தவும்.www.agnipathvayu.cdac.in என்ற இணையதளம் வழியாக ஆன்லைனில் விண்ணப்பிக்க வேண்டும்.விண்ணப்பிக்க கடைசி நாள்: 31.3.2023.